(((بقــــــــــايا شــــــــــــمعه)))

تعبان الكوبرا

بسم الله الرحمن الرحيم
والصلاة والسلام على أشرف الانبياء والمرسلين
نبي الهدى وسيد الخلق اجمعين
وعلى آلــه وصحبه ومن تبعهم بإحسان إلى يوم الدين
أمابعد:ـ

حبيت ابدء بتحيه الاسلام ماهو احنا مسلمين ولا ايه..؟

اصلنا فعلا شعب بنحب الضحك مش بنحب التقفيل لازم يبقي مودرن ومتحضر
وبيبقي في قمه سعادته لما يبدء تحيته بهاي ولا بنجور
ولا اي كلمه انجلش عشان يبقي عنده ثقافه لغه ويبقي مفتخر بيها

لالالالالالا سيبكم من الكلام الي فات دا كله وخدوا بالكم معايا من السطر وافضل تقروا من هنا

عشان دي مدونتي وصفحتي الخاصه هطلع الي جوايا
ومن غير خوف ولا خجل و بصوت عالي كمان انشاله الحيطان الي ليها ودان تسمعني

ماهو انا لو عشت وجوايا الخوف يبقي الموت
اكرملي واريحلي من اني اكتم حق او مشاعر عايزه تطلع

برضه سيبكم من البوقين الي فاتوا دول

ماهو عشان قولت (البوقين)ابقي روش طحن واخر منجهه
والكل يحبني ويجري عشان ياخد من اي كلمه اطلعها جديده يحطها في القاموس
عشان يخاف يفوتوا حاجه جديده تطلع في قاموس الروشنه

معليشي تقلت عليكوا سيبكم برضو من السطرين دول

ماهو عشان احنا بنحب الكلام واخرنا كلام في كلام فبكتر في الاخر هخسر ايه
ماحنا بنقول اننابنسمع وبنقري ونفهم ونحس ونحزن ونبكي وفي الاخر كلام في كلام

تعبتك معايا سيبك برضه من السطرين دول مالومش لازمه هيجيبوا وجع الدماغ وقلق احنا مش اده

بس اقف هنا بقي

فكرت مره تقف مع نفسك وتعرف انت مين وعايز ايه وعايش ليه وعشان ايه؟
فكرت مره تقف مع غيرك وتساعده وتبقي معاه وجمبه في وقت شدته وضعفه؟
فكرت مره تقف مع صحبك وعشره عمرك وتسانده في وقت محنته وقت محتاجك فيه؟
فكرت وفكرت وفكرت...لو اتكلمت مش هسكت

ماهيا عشان صفحتي مش هسكت

ماهيا برضه عشان بتعبر عني مش هسكت

وهيا برضه عشان انا فيها مش هسكت

وهيا برضه عشان بحكي الي جوايا مش هسكت

وهيا برضه عشان احساسي بيحكي فيها مش هسكت

وهيا برضه كمان عشان قلبي لما بيتوجع بلجأ وارجع ليها واريحه

ماهيا عشان حاجات كتير هكتب فيها

طبعا اكيد من الكلام الكتير الي اتقال دا كله فهمنا انا عايزه اقول ايه
ماهو احنا عشان مصرين بنفهمها وهيا طيره
طبعا مرسي لكا الي هينورني ونروني واتمني فعلا انها تكون مدونه تعبر عني وعن شخصيتي
واهلا بيكم وتنورني دايما

التوقيع

**sasoo**

كلام جميل ومفهموم