الرئيسيةالبوابةالتسجيلس .و .جدخول

شاطر | 
 

 خش وشوف بنفسك النكت الجديد وعاوز الردود

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زائر
زائر
avatar


مُساهمةموضوع: خش وشوف بنفسك النكت الجديد وعاوز الردود   الأحد ديسمبر 23, 2007 7:36 am


من اراد ان يضحك فليتفضل

********************************
واحده ست مسكت حرامى فى المطبخ ،فقالت لابنها روح إنده ابوك من على القهوة.... جه ابوه ، ولما فتح

المطبخ لقي الحرامي صغيّر فقال له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم

الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما

دخل المطبخ لقي واحد طول بعرض ....... بص لمراته وقال لها امال فين كريم ؟!!!

************************************

بطة راحت لبقال قالت له عندك سكر ؟؟ قال لها لا.. راحت له تاني يوم قالت له عندك سكر؟؟ قال لها لأ ،

وعارفه لو جتيني تاني حدق رجليكي المفلطحه في الأرض... راحت له تاني وقالت له عندك مسامير؟؟ قال

لها لأ .. قالت له طب عندك سكر

*************************************

ثلاثه صقور اتراهنوا على الصيد راح الاول ورجع في منقاره دم قليل... قال لزمايله شفتوا الشجره اللى هناك

دى؟ قالوا أيوه قالهم انا اصطادت عندها أرنب ...... راح الثاني ورجع في منقاره دم كثير قال شفتو الصخره

اللى هناك دى؟ قالوا أيوه قال اصطادت عندها غزال .... راح الثالث وهو أغبى واحد فيهم ورجع وكله دم قالهم

شفتوا العمود اللى هناك ده؟ قالوا أيوه قال أنا ما شفتهوش


***************************************



واحد رمى على حبيبته ورده فماتت ليه ؟؟؟؟؟؟؟؟؟؟؟؟؟؟؟؟ نسي يشيل الوردة من الفازا

****************************************

واحد كمسري بيقول لابنه تذاااااااكـــــــــــــــــــــــر ............ . تنجح

*********************************************

واحد اسمه شلبى كان مسافر بلاد برة ، فراح محطة القطر وطبعا هناك النظام آخر تمام ... فراح داخل فى

مكنة التذاكر ، يحط ا الفلوس وتنزل له التذكرة ، فراح حط الفلوس والتذكرة نزلت له ، والمكنة راحت قايله

مرحبا بالاستاذ شلبى سوف تركب قطار رقم 26 وسيصل الساعة الواحدة ، هوة سمع كدة فعجبته الحكاية ،

فضل يحط فى فلوس والمكنة تعيد يحط فى فلوس والمكنة تعيد ، لحد اخر مرة حط الفلوس ، راحت المكنة

قالت له الاستاذ شلبى فضل يستهبل لحد ما القطر فاته

********************************************

غبي راح عمل سشوار عند الحلاق وقال عندي فرح بعد اسبوع وعايز شعري يفضل حلو كده الحلاق قاله

بس ابعد عن الميه -- رجع بعد 3 ايام بيقول للحلاق ...... عطشـــاااااااان.


*********************************************

فى المتحف المصرى سأل الولد أبوه ,تمثال مين ده يابابا؟ ,رد الاب : مش عارف يابنى ...... طب صورة مين

دى يابابا؟ , مش عارف يابنى ..... طب مين اللى محنطينه هناك ده يا بابا ؟؟ , مش عارف يابنى ..... شوية

و أم الولد قالتله: ياواد بس بقى كفاية اسئله تعبت أبوك ........, رد أبوه : ياوليه خلى الواد يسال علشان

يتعلم


*****************************************


واحد سرق كرسي من القهوة وطلع يجري ... فالواد الاهوجي شافه اخد ديله في سنانه و جري وراه ... قام

الحرامي لمحه بيجري وراه ....... راح وقف فى نص الطريق وقعد على الكرسى .. قال للاهوجي هات لى واحد

شاي

***********************************

واحده راحت كشك تتكلم فى التليفون ، بقالها ساعه بتحاول تتكلم فسالت صاحب الكشك ... لما التليفون

يدينى : توت توت ...يبقى ايه ده؟ رد عليها وقال يبقى فى قطر معدى من قدام التليفون


******************************************

واحد دخل صيدلية وقال للصيدلي إديني حقنة من اللي بتاخدها مراتي.... الصيدلي قال له إسمها إيه؟ قالو

مديحة


********************************************


واحدة ست تخينة قوى قوى مش عارفين يوزنوها علشان الميزان كل مرة ينكسر جابوا احدث ميزان من برة

وقالوا خلاص هنعرف وزنها بعد ماطلعت على الميزان الميزان خرج ورقة مكتوب عليها لو سمحتوا ياجماعة

واحد واحد بالدور


****************************************


مره مجموعه هجموا علي شخص وفي ايديهم السلاح وسالوه :انت معانا ولا مع الناس التانيين؟؟؟؟؟ جاوب

الرجل هو مرعوب وقالهم على طول انا معاكوا طبعا ............ .. فقلولو : احنا الناس التانين .. طاااااخ



*******************************************

مرة واحد قصيرراح يشهد فى المحكمة القاضى بيقول له قول والله العظيم اقول الحق قاله والله العظيم اقول

الحق راح قاله اسمك ايه قاله نخلة قاله انت هتكذب من اولها

*********************************************

ا تنين مساطيل فى طياره معديه الاول قال ده طياره الرئيس فقال الثانى ده مش طياره الرئيس الاول والله دى

طياره الرئيس الثانى لا مش طياره الرئيس فاتفقو ان اى حد معدى يسالوه فعدى واحد فسألوه دى طياره

الرئيس فقالهم يا اغبياء طياره الرئيس بيمشى وراها موتوسكلات


********************************************

مره واحد حرامى سرق باب من واحد مسطول ...... فالمسطول قعد يجرى وراه الحرامى ... فقام الحرامى

حاطط الباب فى نص الشارع وجرى ....فالمسطول وقف عند الباب وقال له افتح يا جبان


*************************************************

مساطيل قاعدين بيصيدوا ضبابير ، عدّت من فوقيهم هليكوبتر .... واحد منهم قال أمهم جت

اهربوووووووووو

***********************************************

واحد بيقول لمراته أنا عايز لما أرجع من الشغل النهارده ألاقيكى عاملة محشى... قالتله بس أنا ماعرفش

أعمل محشى... قالها ماليش دعوه أنا عايز محشى وسابها ونزل... ولما رجع لقى ترابيزة السفرة كلها محشى

قالها طيب المحشى ده جه منين؟؟؟ قالتله الظاهر كده ان البيت فيه عفاريت قالها عفاريت !!! يبقى لازم نعزل

دلوقتى نروح حلوان ، .جاب عربية نقل علشان يحمل العفش ، لاقى العفش بيتحمل لوحده و الثلاجة والمكتب

وغرفة السفرة ولالقى أربع عفاريت واقفين فوق العربية وبيقولوا ..هيييييييييييييييييييييية حانروح

حلواااان...حانروح حلواااان

******************************************

مجنون و مجنونة كانو ماشيين جمب بسين فى مستشفى المجانين ... فالمجنون رمى نفسه فى المياه

والمجنونة انقذته (جاه الدكتور تانى يوم للمجنونة وقال لها عندى ليكى خبر حلو والتانى وحش الاول انتى

خفيتى وهتخرجى من المستشفى ، والتانى صاحبك المجنون شنق نفسه) قالت له لأ ..ده انا كنت معلقاه

عشان ينشف


********************************************

اتنين محششين الاول بيسال التاني النهارده السبت ولا الاحد ؟ التاني بيقول له : الاتنين فقال له : يا

سلااااااااام الاتنين مع بعض

***************************************

واحد من أهل الشام ...سافر على الصين شاف واحد حب يتعرف عليه فقال له شو إسمك ؟ فقال مي شان

شو ...فقال له علشان نتعرف


***********************************************

واحد راح للدكتور بيحكى له عن حالته وبيقول انا كل يوم باصحى الآقى نفسى مندهش ، كل مرة بأ صحى

الآقى نفسى مندهش .... راح الدكتور كاتب له على علاج .... فصحى تانى يوم لقى نفسة مش

مندهش ............ . فإندهش

********************************************

مره واحد عازم ناس اصحابه و قدم لهم مانجه فالناس قالوا له مش عيب تجيب لنا مانجه بايته ،، قالهم

يعنى هي بايته عند حد غريب


*********************************************

وا حد راح لدكتور عيون علشان يعمله عملية .بعد ما فكله الرباط قال للدكتور مش شايف يا دكتور,الدكتورقاله

دول كام قاله مش شايف,قله طب دول كام قاله مش شايف مش شايف, راح الدكتور مسك ودنه و قاله طب دى

أيه قاله دي ودنى الدكتور قاله يااخى خضيتنى عليك.


*****************************************

فار شاف اسد ميت ، فسحبه من ذيله واخذه الغابه ، لما شافوه الحيوانات قعده يحيوه ويهتفوه باسم الفار

.. قام الفار رفس الاسد وهو بيقول .......انا لما اتعصب ما برحمش

*******************************************

مرة واحد متسلق جبال راح يتسلق جبل هو و المساعد بتاعه. وكان المساعد ده بيتهته فى الكلام ,وهما

طالعين فى نص المسافة المساعد قال للمتسلق:ن ن ن ن ن........ فالمتسلق قاله:بس يابنى لاضحك ونوقع

احنا الاثنين. ولما وصلوا فوق ، قاله عايز ايه ؟؟ قاله:ن ن ن ن ن.... نسيت الاكل تحت. قاله: يخرب بيتك .

ونزلوا تانى ، وهما فى نص المسافة ,المساعد قاله:ب ب ب ,قاله :بس لاضحك ونوقع احنا الاثنين.ولما

نزلوا تحت قاله :عايز ايه.قاله:ب ب ب ب بهزر معاك

*******************************************

واحد اخنف واقع فى بير مايه ...فمر عليه واحد وكان اخنف برضه ، قاله اطنعك ...رد قاله ايوه طنعنى.... قال

بتألس علي طيب مش حطنعك

*************************************

واحد رخم اوى نزل الشارع وقف امام العمود قاله عدينى


*****************************************

مرة واحد بيستهبل اتجوز واحدة بتستهبل اول ما خلفم خلفوا ولد اول ما نزل عمل نفسه ميت


*****************************************

... واحد رزل دخل السيما ما لاقاش غير واحد بس قعد وراه وقاله دماغك لو سمحت


*******************************************

كان في واحد شكلو وحش اوي اوي اوي عايز يتجوز واتقدم لواحده فبيقول لأبوها: انا يا عمي وبلا فخر

عملت نفسي بنفسي

قاله: ما انا برضو بقول استحالة تكون خلقة ربنا


*********************************************


اثنين محششين .. قال الأول : بالي مشغول من امبارح.. فأجابه الثاني : يمكن حد رافع السماعة ..

****************************************

بخيل بيقول لعياله أوعدكم إذا نجحتوا في الامتحان هاوديكم تشوفوا أولاد بياكلوا في كنتاكي.


*************************************

مرة واحد نام متاخر لقي الحلم بدأ

************************************

المريض: يا ترى يا دكتور أنا ممكن أعيش لحد ما يبقى عندي 100 سنة؟ الطبيب: أنت بتدخن أو بتشرب أو

بتتعاطى؟ المريض: لأ أبداً، عمري ما دخنت سيجارة أو كأس ولا حتى شديت نفس من شيشة... الطبيب:

بتلعب قمار؟ المريض: لأ، ولا حتى كوتشينة ولا دومينو ولا شطرنج .... الطبيب: بتسهر قدام التلفزيون أو

الفيديو أو الدش؟ المريض: ولا بفتحهم من أساسه.... الطبيب: ولا بتسهر على القهوة؟ المريض: ولا عمري

عتبتها برجلي... الطبيب: بترهق صحتك ونظرك بالقراءة كتير؟ المريض: بالعكس، أنا أطيق العمى ولا

أطيقش الكتب... الطبيب: طيب بتقعد كتير قدام الكمبيوتر أو الأنترنت؟ المريض: كمبيوتر؟ أشوف إيه؟ ....

الطبيب: طيب بتسافر على طرق خطر أو بتسوق كتير؟ المريض: أنا لا عندي عربية ولا بأسافر من أصله.....

الطبيب: طيب بتلعب أي رياضة عنيفة أو مرهقة؟ >المريض: ولا عمري عتبت نادي، وما لعبتش حاجة من

أيام ثانوي.... الطبيب: أمال عايز مية سنة تهبب فيهم إيه !!!!!
الرجوع الى أعلى الصفحة اذهب الى الأسفل
عاشق الصمت
الـمـديــر الـعـام لـلـمـوعـد
الـمـديــر الـعـام لـلـمـوعـد
avatar

ذكر
عدد الرسائل : 1895
العمر : 27
البلد : مصراوي...طنطاوي
الهويات : نفسي اسمع منك كلمة بحبك
العمل : خليها علي الله
مزاجك :
احترامة للقوانين :
50 / 10050 / 100

تاريخ التسجيل : 27/11/2007

مُساهمةموضوع: رد: خش وشوف بنفسك النكت الجديد وعاوز الردود   الثلاثاء يناير 01, 2008 8:33 am

واحد رمى على حبيبته ورده فماتت ليه ؟؟؟؟؟؟؟؟؟؟؟؟؟؟؟؟ نسي يشيل الوردة من الفازا
تسلم علي النكت تحياتي ليك

_________________









الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://almo3ed.manboard.net
زائر
زائر
avatar


مُساهمةموضوع: رد: خش وشوف بنفسك النكت الجديد وعاوز الردود   الثلاثاء يناير 01, 2008 2:20 pm

مشكور على الرد الحلو ده
الرجوع الى أعلى الصفحة اذهب الى الأسفل
 
خش وشوف بنفسك النكت الجديد وعاوز الردود
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مـنـتـديـات الـمـوعـد :: ,.-~*'¨¯¨'*·~-.¸-(_ ( منتدي شكاوي والاقتراحات والمواضيع المحزوفة) _)-,.-~*'¨¯¨'*·~-.¸ :: ::•قسم المواضيع المحزوفة•::-
انتقل الى: